Caribbean News

RST ta distansiá su mes for di publikashon korant Vigilante

RST no a duna Vigilante e prosès verbal di Monalisa Kuwas, kasá di Elvis ‘Mònster’ Kuwas, ni tampoko a kambia deklarashonnan ku Monalisa Kuwas a hasi durante interogashonnan ku a tuma lugá relashoná ku asesinato di helmin Wiels. Esaki ta loke RST ta bisa.

 New-Video-From-Contributor-Isla-The-Oil-Refinery-in-Curacao-Dutch-West-Indies-On-Fire

E detenshon di e sospechoso Michael L. e siman akí ta kousando hopi konsternashon, despues ku korant Vigilante a publiká ku kasá di Elvis ‘Mònster’ Kuwas lo a menshoná nòmber di Michael L. Konsekuentemente lo a detené L. Monalisa Kuwas a sali den publisidat e siman aki, ora na Radio Mas el a splika Dwight Rudolphina kon indigná i rabiá e ta ku Vigilante tin e prosès verbal di RST.

Segun Monalisa Kuwas, Vigilante ta bisa ku e tin e prosès verbal di RST den kua Monalisa ta menshoná nòmber. Monalisa mes ta desmentí esaki i ta akusá RST di a kambia su deklarashonnan, dado kaso loke Vigilante ta skirbi ta bèrdat.

RST ta nenga kategórikamente ku a kambia deklarashonnan di Monalisa Kuwas i tambe ku e lo a duna Vigilante e prosès verbal di interogashon di Monalisa Kuwas. RST ta bisa ku Monalisa Kuwas por lesa su deklarashonnan dia e ke i ku e lo mira den e prosès verbal ku no tin nòmber di Michael L. skirbí.

Fuente: Redakshon LOOP via Vigilante

RST ta distansiá su mes for di publikashon korant Vigilante

More Curacao News

Leave a Reply